වසර 23කට පසු විත්තිකරුට මරණ දඬුවම

2017-09-27 11:28:00       45


වේයන්ගොඩ කොරස ප්‍රදේශයේදී තියුණු ආයුධයකින් ගෙල කපා තරුණයකු ඝාතනය කළැයි එම ප්‍රදේශයේම 49 හැවිරිදි පුද්ගලයකුට ගම්පහ මහාධිකරණ විනිසුරු ප්‍රියන්ත ප්‍රනාන්දු මහතා අද (26) මරණ දඬුවම නියම කළේය.

මෙම ඝාතනය 1994 වසරේ නොවැම්බර් 13 වැනිදා සිදුව තිබිණි.විත්තිකරුට ගම්පහ මහාධිකරණයේදී මීට පෙර මරණ දඬුවම නියම කෙරුණ අතර පසුව විත්තිකරු ජූරි සභාවක් ඉදිරියේ නඩුව නැවත විභාග කරන ලෙස ශ්‍රේෂ්ඨාධිකරණයේ ඇපෑලක් ගොනු කළේය.

ඉන්පසු විත්තිකරු ඇප මත මුදා හැර හත් දෙනකුගෙන් යුත් ජූරි සභාවක් ඉදිරියේ නඩුව විභාගයට ගත් නමුත් සැකකරු මහාධිකරණය මගහැර සිටීම හේතුවෙන් එම නඩුව විත්තිකරු නොමැතිවම විභාගයට ගැනිණි.

සැකකරු විදේශගතව ඇති බවට ආගමන විගමන දෙපාර්තමේන්තුව අධිකරණයට දැනුම් දුන්නේය.

විත්තිකරු අත්අඩංගුවට ගැනීමට විවෘත වරෙන්තු නිකුත් කෙරුණ අතර ඔහු මෙරටට පැමිණියහොත් අත්අඩංගුවට ගැනීමට ආගමන විගමන පාලකවරයාට දැනුම් දෙන ලෙසත් නියෝග කෙරිණ.


Wmqgd .ekSu ,xldoSm mqj;am; weiqfrks

More News »